Dallas bloggarinn

Shaquille O'Neal er efnilegur lögregluþjónn

Körfuknattleiksmaðurinn Shaquille O'Neal, sem leikur með meistaraliði Miami Heat, náði að handsama 18 ára gamlan ungling sem hafði ekið á bifreið O'Neal og stungið af frá slysstað.

Atvikið átti sér stað um kl. 4 að nóttu til í Miami í gær þar sem að O'Neal var að taka farangur úr bifreið sinni ásamt lífverði hans Jerome Crawford fyrir utan heimili þess síðarnefnda. Bifreið var ekið á nýja Cadillac bifreið O'Neal og ökumaðurinn ók þegar á brott frá slysstaðnum.

O'Neal hóf eftirför ásamt Crawford og náðu þeir unglingunum eftir stutta stund. Skömmu síðar voru unglingarnir handteknir af lögreglu.

O'Neal hefur lengi átt þann draum að starfa sem lögregluþjónn en hinn 34 ára gamli leikmaður hefur komið við sögu í ýmsum atvikum sem tengjast löggæslustörfum á undanförnum misserum og fékk hann sérstaka viðurkenningu árið 2005 vegna hjálpsemi sinnar.

O'Neal hefur sagt að þegar ferli hans lýkur sem atvinnumanns ætli hann að taka að sér starf lögregluþjóns.